“Brembo” Bakı şəhər trasında ən sərt tormozlama nöqtəsi barədə videoçarx hazırlayıb
Bakı, 27 aprel, AZƏRTAC
“Brembo” şirkəti Bakı şəhər trasında ən sərt tormozlama nöqtəsi barədə videoçarx hazırlayıb.
AZƏRTAC xəbər verir ki, pilotlar üçüncü döngədən əvvəl yolun 106 metrlik hissəsində 2,18 saniyə ərzində sürəti 315 kilometr-saatdan 105 kilometr-saata endirəcəklər. Tormoz pedalına düşən maksimum güc 150 kiloqram təşkil edəcək və pilotlar 2625 kilovat tormozlama gücündə 4,8 g (sərbəstdüşmə təcilinin 4,8 misli) qədər gərginlik hiss edəcəklər.
Xatırladaq ki, Formula 1 çempionatı aprelin 28-də start götürəcək. Azərbaycan mərhələsi iki təsnifat və iki yarış yürüşü ilə yeni formatda keçiriləcək.
Bölmənin digər xəbərləri
