London, 16 avqust, AZƏRTAC

Britaniyanın xarici işlər naziri Devid Lemmi Yaxın Şərqdə genişmiqyaslı müharibənin qarşısını almağa çalışmaq məqsədilə İsrailə səfər edəcək.

AZƏRTAC xəbər verir ki, bu barədə Britaniya Xarici İşlər Nazirliyi məlumat yayıb. Bildirilib ki, səfərdə Devid Lemmidən başqa Fransanın xarici işlər naziri Stefan Sejurne da iştirak edəcək.

Onlar İsrailin xarici işlər naziri İsrael Katz və strateji işlər naziri Ron Dermerlə görüşəcəklər. Səfər çərçivəsində İsrailin Baş naziri Benyamin Netanyahu ilə də görüşün baş tutması güman edilir.

Aytən Abbaslı

AZƏRTAC-ın xüsusi müxbiri

London