Bu gün Misli Premyer Liqasında daha bir oyun keçiriləcək
Bakı, 2 noyabr, AZƏRTAC
Bu gün Misli Premyer Liqasında XII turun daha bir oyunu keçiriləcək.
AZƏRTAC xəbər verir ki, “Şamaxı” doğma meydanda “Zirə”ni qəbul edəcək. Şamaxı şəhər stadionunda reallaşacaq görüş saat 15:00-da start götürəcək.
Turnir cədvəlində qonaqlar 17 xalla 4-cü, ev sahibləri isə 12 xalla 6-cı pillədə qərarlaşıblar.
Qeyd edək ki, turun ötən gün keçirilmiş oyunlarında “Turan Tovuz” evdə “Qarabağ”la qolsuz heç-heçə edib, “Araz-Naxçıvan” isə səfərdə “Neftçi”yə 1:0 hesabı ilə qalib gəlib. XII tura noyabrın 3-də təşkil olunacaq iki oyunla yekun vurulacaq.
Bölmənin digər xəbərləri
