Bu həftə rayonlarda hava dəyişkən və fasilələrlə yağıntılı olacaq
Bakı, 10 aprel, AZƏRTAC
Bu həftə ərzində Azərbaycanın rayonlarında hava şəraitinin dəyişkən, fasilələrlə yağıntılı olacağı gözlənilir. Birinci proses aprelin 10-dan 12-si səhərədək, ikinci proses isə 13-dən 14-ü gündüzədək davam edəcək. Əsasən şimal və qərb rayonlarında yağıntıların intensiv olacağı, şimşək çaxacağı, dolu düşəcəyi, dağlıq ərazilərdə qar yağacağı ehtimalı var.
Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Xidmətindən məlumat verilib.
Bildirilib ki, qərb küləyi əsəcək, əsasən dağlıq və dağətəyi rayonlarda sürəti aprelin 10-da 15-18 metr/saniyə olacaq, aprelin 13-də isə arabir saniyədə 20-25 metrədək güclənəcək.
Çaylarda sululuğun artacağı, Böyük və Kiçik Qafqazın bəzi çaylarından qısamüddətli daşqın keçəcəyi ehtimal edilir.
Bölmənin digər xəbərləri
