Bu il paytaxtda 81 mindən çox mülkiyyət qeydiyyata alınıb
Bakı, 18 noyabr, AZƏRTAC
İqtisadiyyat Nazirliyi yanında Əmlak Məsələləri Dövlət Xidməti tərəfindən cari ilin yanvar-oktyabr ayları ərzində daşınmaz əmlak üzərində 306 min 456 mülkiyyət hüququ qeydiyyata alınaraq çıxarışla təmin edilib.
Əmlak Məsələləri Dövlət Xidmətindən AZƏRTAC-a bildirilib ki, bu göstəricinin 51 min 502-si (16,8 faiz) ilkin, 254 min 954-ü isə (83,2 faiz) isə təkrar qeydiyyatın payına düşür.
Bu ilin 10 ayında fərdi yaşayış və bağ evi üzərində - 51 min 582, mənzil üzərində - 70 min 691, torpaq sahəsi – 173 min 315, qeyri-yaşayış binası – 2855, qeyri-yaşayış sahəsi – 7277, əmlak kompleksi - 688, çoxmərtəbəli yaşayış binası üzərində isə 48 mülkiyyət hüququnun dövlət qeydiyyatı aparılıb. Bu dövrdə qeydiyyata alınan mülkiyyət hüquqlarının 81 min 250-si Bakının, qalan hissəsi isə bölgələrin payına düşür.
Bu ilin yanvar-oktyabr ayları ərzində 231 min 384 texniki pasport tərtib edilib, 62 min 671 ipoteka müqaviləsi qeydiyyata alınıb.
Bölmənin digər xəbərləri
