Bu ildən Dünya Mühəndislik Günü qeyd ediləcək
Bakı, 25 fevral, AZƏRTAC
Martın 4-də UNESCO-nun mənzil-qərargahında Dünya Mühəndislik Günü ilk dəfə qeyd ediləcək.
AZƏRTAC təşkilatın saytına istinadla xəbər verir ki, UNESCO və onun tərəfdaşı olan Dünya Mühəndis Təşkilatları Federasiyası Dayanıqlı İnkişafın Məqsədlərinə çatmaqda mühəndisliyin vacib roluna həsr edilən konfrans keçirməyi planlaşdırır. Konfrans bir neçə sessiyanı, panel müzakirələri, əsas məruzələri, təqdimatları, mühəndislik fəaliyyəti ilə maraqlanan gənclər üçün seminarları əhatə edəcək. Həmçinin mühəndisliyə dair UNESCO-nun ikinci məruzəsi təqdim olunacaq.
Xatırladaq ki, Dünya Mühəndislik Günün qeyd olunması haqqında qərar ötən il UNESCO baş konfransının 206-cı sessiyasında qəbul edilib.
Bölmənin digər xəbərləri
