Bu ilin 11 ayında Türkiyədə 1069 terrorçu zərərsizləşdirilib
Bakı, 16 dekabr, AZƏRTAC
Türkiyənin daxili işlər naziri Ali Yerlikaya bildirib ki, 2023-cü ilin 11 ayında 1069 terrorçu zərərsizləşdirilib.
AZƏRTAC “TRT Haber”ə istinadla xəbər verir ki, bu barədə nazir Türkiyə Böyük Millət Məclisində çıxışı zamanı məlumat verib.
Onun sözlərinə görə, zərərsizləşdirilənlərdən ümumilikdə 59-u yüksək səviyyəli terrorçu, 7-si qırmızı, 1-i mavi, 2-si yaşıl, 16-sı narıncı, 33-ü isə boz kateqoriyası üzrədir: “Ölkəmizdə həyata keçirilməsi planlaşdırılan 145 terror aktının qarşısı alınıb. Terrorçuluğun maliyyələşdirilməsinə yönəlmiş 189 əməliyyat zamanı 1133 şübhəli şəxs saxlanılıb. Onlardan 163-ü həbs edilib. 28 milyon lirədən çox pul ələ keçirilib”.
Bölmənin digər xəbərləri
