BVF: ABŞ-ın İrana zərbələrinin geniş potensial nəticələri ola bilər
Bakı, 23 iyun, AZƏRTAC
Beynəlxalq Valyuta Fondunun (BVF) idarəedici direktoru Kristalina Georgiyeva bildirib ki, qlobal qeyri-müəyyənlik fonunda ABŞ-ın İrana zərbələri potensial olaraq enerji sahəsindən daha geniş təsirlərə malik ola bilər.
AZƏRTAC xəbər verir ki, Kristalina Georgiyeva qeyd edib: “Ən böyük reaksiya BVF-nin yaxından izlədiyi enerji qiymətlərində olub, lakin “ikinci və üçüncü dərəcəli təsirlər də ola bilər”.
Onun sözlərinə görə, böyük ölkələrdə iqtisadi mənzərəyə təsir edən artan turbulentlik qlobal artım proqnozunun aşağıya doğru yenidən nəzərdən keçirilməsi üçün təkanverici amilə çevrilə bilər.
BVF rəhbərinin sözlərinə görə, Fond, ilk növbədə, münaqişənin neft və qaz sektorunda risk amillərinə necə təsir edəcəyinə baxır. O əlavə edib: “İşlərin necə inkişaf edəcəyini görəcəyik, digər ölkələrə yayıla biləcək enerji təchizatında fasilələrin baş verə biləcəyinin mümkünlüyünə nəzarət edirik. Dua edirəm ki, bu baş verməsin”.
Bölmənin digər xəbərləri
