BVF: Dünya iqtisadiyyatında yüksək qeyri-müəyyənlik hökm sürür
Bakı, 10 aprel, AZƏRTAC
Dünya iqtisadiyyatı yüksək qeyri-müəyyənliklə xarakterizə olunur, bərpası çətin olaraq qalır, parçalanma dərinləşir.
AZƏRTAC xəbər verir ki, bu barədə Beynəlxalq Valyuta Fondunun (BVF) baş icraçı direktoru Kristalina Georgiyeva Vaşinqtonda BVF və Beynəlxalq Bankın rəhbər orqanlarının yaz sessiyasının açılış mərasimində çıxışı zamanı deyib. Tədbirdə Beynəlxalq Bankın Prezidenti Devid Melpas da iştirak edib.
“Biz yüksək qeyri-müəyyənlik dövründə toplaşmışıq. İqtisadiyyatın ümid etdiyimiz səviyyədə bərpası əvvəlki kimi çətin olaraq qalır”, - deyə Kristalina Georgiyeva bildirib.
Onun sözlərinə görə, 2023-cü ildə dünya iqtisadiyyatının artımı 3 faizdən az olacaq. Ən çox narahatlıq doğuran odur ki, bu artım növbəti beş ildə dəyişməyəcək: “Bizi bir yerdə tutan əlaqələr son illər daha çox zəifləyib. Parçalanma şiddətlənir”.
Bölmənin digər xəbərləri
