Can Selçuki: Azərbaycan süni intellekt dövründə qlobal sənaye pilot zonasına çevrilməyə çalışmalıdır
Bakı, 23 sentyabr, AZƏRTAC
Azərbaycan süni intellekt dövründə qlobal sənaye pilot zonasına çevrilməyə çalışmalıdır.
AZƏRTAC xəbər verir ki, bunu İstanbul İqtisadi Araşdırmaların İdarəedici Partnyoru Can Selçuki Bakıda keçirilən 1-ci Azərbaycan Beynəlxalq İnvestisiya Forumunda çıxışı zamanı deyib.
O qeyd edib ki, Azərbaycanın üç güclü üstünlüyü var.
“Coğrafiyasına görə Avropa, Asiya və Körfəz bölgəsinin kəsişməsində yerləşən bir ölkədir. Təchizat zəncirlərinin yenidən qurulması kontekstində bu, fikrimcə diqqətəlayiq üstünlükdür. Azərbaycan süni intellekt dövründə qlobal sənaye pilot zonasına çevrilməyə çalışmalıdır. Mən investorların faktiki olaraq gəlib Azərbaycanı yeni texnologiyalarını sınaqdan keçirə biləcəyi məkana çevirməkdən danışıram. Süni intellekt tətbiqi sənaye inkişafının əsas mərkəzində olmalıdır. Məsələn, buraya ticarəti daha sürətli, daha ağıllı və daha proqnozlaşdırıla bilən, süni intellektlə işləyən logistika dəhlizləri, sənaye ehtiyaclarına real vaxtda uyğunlaşan təhsil və təlim modelləri daxil ola bilər”, - deyə Can Selçuki vurğulayıb.
Bölmənin digər xəbərləri
