“CƏSURLAR” HƏRBİ İDMAN YARIŞLARINA YEKUN VURULMUŞDUR
Kürdəmirdə yeniyetmələrin fiziki cəhətdən sağlam böyüməsi, hərbi-vətənpərvərlik ruhunda tərbiyəsi məqsədi ilə ardıcıl və müxtəlif tədbirlər həyata keçirilir.
AZƏRTAC-ın müxbiri xəbər verir ki, rayon təhsil şöbəsinin və gənclər, idman və turizm idarəsinin birgə keçirdikləri “Cəsurlar” hərbi idman oyunları artıq başa çatmışdır. Rayon məktəbliləri arasında 44 komandanın iştirak etdiyi yarışlarda şəhərin 6 nömrəli orta məktəbi birinci, 1 nömrəli orta məktəbi ikinci və 2 nömrəli orta məktəbi isə üçüncü yeri tutmuşlar.
Qaliblərə fəxri fərman və qiymətli hədiyyələr verilmişdir.
Bölmənin digər xəbərləri
