Çempionlar Liqası: Bu gün “Qarabağ”ın rəqibi məlum olacaq
Bakı, 31 iyul, AZƏRTAC
Bu gün UEFA Çempionlar Liqasında II təsnifat mərhələsinə yekun vurulacaq.
AZƏRTAC xəbər verir ki, “Qarabağ”ın turnirdəki potensial rəqibləri “Ludaqorets” (Bolqarıstan) və “Dinamo” (Minsk, Belarus) komandaları cavab oyununda üz-üzə gələcək. Görüş Bakı vaxtı ilə saat 22:45-də start götürəcək.
Komandalar arasında ilk matç “Ludaqorets”in 2:0 hesablı qələbəsi ilə yekunlaşıb.
Qeyd edək ki, Çempionlar Liqasında III təsnifat mərhələsinin ilk matçları avqustun 6-7-də, cavab qarşılaşmaları isə avqustun 13-də baş tutacaq.
Bölmənin digər xəbərləri
