Çexiyada böyük akkumulyator anbarı tikiləcək
Praqa, 21 avqust, AZƏRTAC
2026-cı ilin əvvəlinə qədər Çexiyada, Brjetslav yaxınlığında elektrik enerjisi üçün ən böyük akkumulyator anbarlarından biri tikiləcək.
AZƏRTAC xəbər verir ki, onun gücü 31 meqavat-saat təşkil edəcək ki, bu da milli elektrik şəbəkəsinin etibarlılığını və dayanıqlığını artıracaq.
Layihəni “Moraviya Neft Quyuları” (“Moravské naftové doly”) şirkəti həyata keçirir və obyekti artıq gələn ilin əvvəlində istifadəyə verməyi planlaşdırır. Gələcəkdə şirkət Çexiyada daha altı, Almaniyada isə iki analoji anbar tikmək niyyətindədir.
Ekspertlər qeyd edirlər ki, bu cür sistemlər enerji infrastrukturunun əsas elementinə çevrilir: onlar bərpaolunan mənbələrin - ilk növbədə məhsuldarlığı hava şəraitindən asılı olan Günəş və külək elektrik stansiyalarının payının artması ilə əlaqədar elektrik şəbəkəsinin işində baş verən tərəddüdləri hamarlaşdırmağa imkan verir.
Vüqar Seyidov
AZƏRTAC-ın xüsusi müxbiri
Praqa
Bölmənin digər xəbərləri
