ÇİLİ PROKURORLUĞU PİNOÇETİN ABŞ-DAKI MƏXFİ HESABLARINI ARAŞDIRACAQ
Çilinin Xarici İşlər Nazirliyi bildirmişdir ki, ABŞ senatının məruzəsində əksini tapan bu məlumat Çili Dövlət Müdafiə Şurasına (prokurorluğa) təqdim edilmişdir. Çili tərəfindən hüquqi sahədə fəaliyyət göstərilməsinin zəruriliyini də məhz bu şura müəyyənləşdirəcəkdir. Respublika Prezidenti Rikardo Laqos Vaşinqtondakı səfirliyə bu məsələni yerində aydınlaşdırmağı tapşırmışdır.
Senatın hökumət idarələrinin işləri komitəsinin təhqiqatlar üzrə yardımçı komitəsinin işinin nəticələri barədə ABŞ Konqresində dinləmələr zamanı müəyyən edilmişdir ki, Vaşinqtondakı diplomatik nümayəndəliklərə xidmət üçün son vaxtlaradək, əslində, xüsusi hüquqlara malik olmuş “Riqqs bank”ın rəhbərliyi Pinoçetin 4 milyondan 8 milyon dollaradək şəxsi kapitalını xilas etməkdə ona kömək göstərmişdir. Bu, bir neçə il əvvəl, keçmiş diktator insanlığa qarşı cinayətlərdə təqsirləndirilərək, Londonda həbsdə saxlandığı və beynəlxalq müstəntiqlər onun hesablarını dondurmaq üçün onları axtardığı vaxt baş vermişdir. “Riqqs bank”ın menecerləri xaricdə qondarma firmalar yaradaraq və hesablar açaraq, Pinoçetin milyonlarını Londondan ABŞ-a köçürmüş və bu pulları ABŞ-ın tənzimləyici orqanlarından gizlətmişlər.
Bölmənin digər xəbərləri
