Çin ikinci böyük kruiz gəmisini 2026-cı ildə dənizə buraxacaq
Bakı, 25 iyul, AZƏRTAC
Çinin “Adora Cruises Limited” kompaniyası yerli istehsal olan ikinci böyük kruiz gəmisini 2026-cı ilin sonunadək təhvil verməyi və 2027-ci ildə ilk beynəlxalq reysə çıxarmağı planlaşdırır.
AZƏRTAC Sinxua agentliyinə istinadla xəbər verir ki, kompaniya gəminin Cənubi Çin bazarına xidmət edəcəyini bildirib.
Qeyd edək ki, Çinin yerli istehsal olan ilk böyük kruiz gəmisi “Adora Magic City” 3 mindən çox sərnişin tutumuna malikdir. O, ilk kommersiya səyahətini yanvar ayında başa vurub.
Ümumilikdə 2 min 144 kayutdan ibarət ikinci gəmi isə daha geniş ictimai sahəyə və daha müasir əyləncə seçimlərinə malik olacaq. “Adora Cruises Limited” yeni gəminin ölkənin cənub bölgələrində yüksəkkeyfiyyətli səyahətlərə artan tələbatı ödəməyə imkan verəcəyini vurğulayıb.
Bölmənin digər xəbərləri
