CİNAYƏT TÖRƏTMİŞ 51 NƏFƏR TUTULMUŞDUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, sentyabrın 29-da respublika ərazisində cinayət törətmiş 51 nəfər tutulmuş, qeydə alınmış 24 cinayət hadisəsindən 15-nin, həmçinin ötən günlərdən bağlı qalmış 2 cinayətin üstü açılmışdır.
Cinayət Məcəlləsinin müxtəlif maddələri ilə axtarışda olan 31 nəfər keçirilmiş əməliyyat nəticəsində tutularaq istintaq orqanlarına təhvil verilmişdir. Daxili işlər orqanları əməkdaşları tərəfindən narkotiklərlə əlaqədar 2, qanunsuz saxlanılan silah-sursatla bağlı yeddi fakt müəyyən edilmişdir. Üç yol-nəqliyyat qəzasında 1 nəfər ölmüş, 8 adam yaralanmışdır.
Bölmənin digər xəbərləri
