Cüdoçumuz dünya çempionatının yarımfinalında mübarizə aparacaq
Bakı, 11 oktyabr, AZƏRTAC
Özbəkistanın paytaxtı Daşkənd şəhərində cüdo üzrə böyüklər arasında dünya çempionatı davam edir.
AZƏRTAC xəbər verir ki, bu gün kişilər arasında 100 kiloqram çəki dərəcəsində mübarizə aparan Zelim Katsoyev ilk mərhələdə Daniel Eiçi (İsveçrə), növbəti qarşılaşmalarda Nurluxan Şarxan (Qazaxıstan) və dörddəbir finalda ikiqat dünya çempionu Xorxe Fonsekanı (Portuqaliya) məğlub edərək yarımfinala yüksəlib. Cüdoçumuz yarımfinalda Kayl Reyeslə (Kanada) mübarizə aparacaq.
Qeyd edək ki, hələlik komandamızın aktivində 1 medal var. Belə ki, Hidayət Heydərov (73 kq) bürünc medal qazanıb.
Bölmənin digər xəbərləri
