CULİYA ROBERTS HOLLİVUDUN ƏN BAHALI AKTRİSASIDIR

01.12.2005 [15:13]
Çap et
A⁺ A^-

AZƏRTAC-ın İTAR-TASS-dan aldığı xəbərə görə, Amerikanın kino ulduzu Culiya Roberts Hollivudun ən yüksək maaşlı aktrisasıdır. O, nüfuzlu “Hollivud reportyor” jurnalının tərtib etdiyi 10 nəfər ən bahalı kino aktrisası siyahısında birinci yerdədir. 38 yaşlı aktrisanın çəkildiyi hər filmin qonorarı 20 milyon dollar təşkil edir.

Siyahıda ikinci yer hər filminə görə 16-17 milyon dollar alan Nikol Kidmana məxsusdur. Üçüncü yeri Riz Uizerspun və Drü Berrimor bölüşürlər, onların qonorarı 15 milyon dollardır. Yüksək maaşlı aktrisalar onluğuna Rene Zelveger, Ancelina Coli, Kameron Dias (10-15 milyon dollar), Codi Foster (10-12 milyon), Şarliz Teron (10 milyon), Cenifer Eniston ( 9 milyon) da daxildirlər.

Jurnalın redaktoru və naşiri Bob Doulinq siyahını belə şərh etmişdir: ”Bu aktrisalar filmin uğur qazanmasını təmin edirlər. Onlar müsbət obrazları təcəssüm etdirir və buna görə də çoxlu pul qazanırlar”. Onun dediyinə görə, Culiya Robertsin birinci olması ən böyük sürprizdir. Çünki Heyzel və Finneus adlı əkizləri dünyaya gətirən aktrisa son vaxtlar kinoda çəkilmir.

CULİYA ROBERTS HOLLİVUDUN ƏN BAHALI AKTRİSASIDIR

MÜƏLLİFLƏ ƏLAQƏ

Bölmənin digər xəbərləri