Daha bir konqresmendən Prezident Barak Obamaya Azərbaycanla bağlı müraciət
Bakı, 18 noyabr, AZƏRTAC
ABŞ Konqresinin daha bir üzvü Mayk Doyl Prezident Barak Obamaya Azərbaycanla bağlı məktubla müraciət edib.
AZƏRTAC xəbər verir ki, konqresmen məktubunda Azərbaycana ardıcıl dəstək verilməsinin əhəmiyyətini vurğulayıb.
M.Doyl Azərbaycanın ABŞ-ın sınanmış müttəfiqi və mühüm strateji tərəfdaşı olduğunu, regiondakı mövcud çağırışlara baxmayaraq, Birləşmiş Ştatlarla tərəfdaşlığa sadiq qaldığını qeyd edib. O, ölkəmizin Əfqanıstan və İraqdakı əməliyyatlara dəstəyini təqdir edib. Eyni zamanda, konqresmen Bakı-Tbilisi-Ceyhan neft kəmərinin və “Cənub” qaz dəhlizi layihəsinin önəmini, Azərbaycanın Avropanın və İsrailin enerji təhlükəsizliyinə töhfəsini qeyd edib.
Konqresmen məktubda Azərbaycanın əhəmiyyətli iqtisadi inkişafa nail olduğunu və Cənubi Qafqaz regionunda rəsmi Vaşinqtonun ən böyük iqtisadi tərəfdaşı olduğunu bildirib. O, Azərbaycandakı dünyəvilik və dözümlülük ənənələrini xüsusi qeyd edib.
Bölmənin digər xəbərləri
