Dekabrın 24-də Azərbaycan ərazisində hava şəraiti haqqında məlumat
Bakıda və Abşeron yarımadasında
Buludlu hava şəraiti üstünlük təşkil edəcəkdir. Gecə və səhər zəif duman, çiskin olacağı, axşam isə yağış yağacağı gözlənilir.
Temperatur gecə 1-3°, gündüz 4-8° isti olacaqdır.
Bakıda gecə 1-3°, gündüz 6-8° isti olacağı gözlənilir.
Atmosfer təzyiqi normadan yüksək - 765 millimetr civə sütunundan 768 millimetr civə sütununa yüksələcək, nisbi rütubət 85-95 faiz təşkil edəcəkdir.
Naxçıvan Muxtar Respublikasında
Arabir yağıntılı olacağı, sulu qar, dağlıq ərazilərdə qar yağacağı gözlənilir. Ayrı-ayı yerlərdə duman olacaqdır.
Temperaturun gecə 0-5° isti, bəzi yerlərdə 3° şaxta, gündüz 6-11° isti olacağı gözlənilir.
Yuxarı Qarabağ: Xankəndi, Şuşa, Xocalı,
Xocavənd, Qubadlı, Zəngilan, Laçın, Kəlbəcər,
Daşkəsən, Gədəbəy rayonlarında
Gecə və səhər bəzi yerlərdə duman, çiskin, axşam yağıntılı olacağı, qar yağacağı gözlənilir.
Temperaturun gecə 2-7 ° şaxta, gündüz 1-6° isti olacağı gözlənilir.
Qazax-Gəncə, Goranboy, Tərtər-Ağdam-Ağcabədi-Füzuli-
Cəbrayıl rayonlarında
Hava əsasən yağmursuz keçəcəkdir. Lakin axşam yağıntılı olacağı gözlənilir.
Temperaturun gecə 0-3° isti, gündüz 5-10° isti olacağı gözlənilir.
Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən-Şabran, Quba-Qusar-Xaçmaz rayonlarında
Əsasən axşam və gecə yağıntılı olacağı, sulu qar yağacağı gözlənilir. Axşam ayrı-ayrı rayonlarda yağıntıların intensivləşəcəyi ehtimalı vardır. Bəzi yerlərdə duman olacaqdır.
Temperaturun gecə 3° istidən 2°-dək şaxta, gündüz 3-8° isti, dağlarda gecə 5-10° şaxta, gündüz 0-3° isti olacağı gözlənilir.
Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan,
Neftçala rayonlarında
Əsasən yağmursuz keçəcəkdir. Gecə və səhər duman, çiskin olacaqdır. Lakin axşam qərb rayonlarından başlayaraq yağıntılı olacağı gözlənilir.
Temperatur gecə 0-4° isti, gündüz 5-10° isti olacaqdır.
Masallı-Lənkəran-Astara-Lerik və Yardımlı rayonlarında
Havanın bəzi yerlərdə yağıntılı olacağı gözlənilir. Axşam ayrı-ayrı rayonlarda yağıntıların intensivləşəcəyi ehtimalı vardır. Dağlarda duman olacaqdır.
Temperaturun gecə 3-6° isti, gündüz 7-10° isti, dağlarda gecə 2° istidən 2°-dək şaxta, gündüz 2-7° isti olacağı gözlənilir.
Bölmənin digər xəbərləri
