“DH Volley Baku” klubunun baş məşqçisi: Gənc oyunçuların inkişafı üçün çalışacağıq
Bakı, 29 aprel, AZƏRTAC
Azərbaycanda yeni klubun yaradılması voleybol ictimaiyyəti üçün gözəl təşəbbüsdür.
AZƏRTAC xəbər verir ki, bu sözləri növbəti mövsümdən etibarən qadın voleybolçuların Yüksək Liqasında debüt edəcək “DH Volley Baku” klubunun baş məşqçisi Fərid Cələlov deyib.
O, gənc oyunçuların inkişafı üçün çalışacaqlarını bildirib: “Təcrübəli oyunçular da bu yolda bizə kömək olacaqlar. Sentyabr ayından məşqlərə start verəcəyik. Hədəfimiz çempion olmaqdır. Komandanı tam olaraq formalaşdıracağıq. Legioner oyunçular da olacaq. Gənc voleybolçular əcnəbilərdən yeni şeylər öyrənəcəklər. Komanda üçün bir neçə məşq bazası seçmişik”.
Bölmənin digər xəbərləri
