DİM-də CIMA institutunun və CISCO şirkətinin imtahanları keçirilib
Bakı, 27 iyun, AZƏRTAC
Dövlət İmtahan Mərkəzində (DİM) Pearson VUE (Virtual University Enterprises) tərəfindən təqdim olunan Chartered Institute of Management Accountants (CIMA) institutunun “F1 Financial Reporting” və CISCO Systems şirkətinin “CISCO Certified Network Associate” adlı sertifikat imtahanları keçirilib.
DİM-dən AZƏRTAC-a bildirilib ki, hər imtahanda 1 nəfər olmaqla, ümumilikdə imtahanlarda 2 nəfər iştirak edib. Keyfiyyətin və təhlükəsizliyin təmin edilməsi məqsədilə imtahanların keçirilməsinə dair bütün qaydalara və prosedurlara riayət olunub.
İmtahanların vaxtı, qeydiyyat və digər məsələləri DİM-in saytından öyrənmək olar.
Bölmənin digər xəbərləri
