DİN vətəndaşları hərbi vəziyyət rejiminə və komendant saatı qaydalarına əməl etməyə çağırır
Bakı, 10 noyabr, AZƏRTAC
Daxili İşlər Nazirliyi vətəndaşları hərbi vəziyyət rejiminə və komendant saatı qaydalarına əməl etməyə çağırır.
AZƏRTAC xəbər verir ki, bu barədə DİN-nin mətbuat xidmətindən bildirilib.
Bu gün - noyabrın 10-da Azərbaycan Respublikasının Prezidenti, Ali Baş Komandan İlham Əliyevin qələbə müjdəsi paytaxt Bakı ilə yanaşı, respublikamızda böyük sevinclə qarşılanıb.
Xalqımıza göstərdikləri birliyə və böyük ehtirama görə minnətdarlığımızı bildiririk.
Bir daha vətəndaşlarımızın nəzərinə çatdırırıq ki, ölkəmizdə tətbiq edilən hərbi vəziyyət rejiminin və koronavirus infeksiyanın mövcudluğunu bir an belə unutmamalı, özümüzü, doğmalarımızı və ətrafımızdakı insanları qorumalıyıq.
İnanırıq ki, bu müraciəti anlayışla qarşılayaraq hərbi vəziyyət rejiminə və komendant saatı qaydalarına əməl edəcəksiniz.
Bölmənin digər xəbərləri
