DİYEQO MARADONANIN OĞLU ATASINI MƏHKƏMƏYƏ VERMİŞDİR
Armandonun istinad etdiyi müqaviləyə görə, ata Maradona valideynlik vəzifəsini yerinə yetirməyə borclu idi. Dekabrın 3-də müqavilə məhkəməyə veriləcəkdir.
Armando 1986-cı ildə, Argentina yığma komandasının və İtaliyanın “Napoli” klubunun sabiq kapitanı Diyeqo Maradonanın və neapollu Kristina Sinaqranın nikahdankənar əlaqəsindən doğulmuşdur. Bir vaxtlar oğul Maradonanın anası da ata Maradonanı məhkəməyə vermiş və argentinalı futbolçudan oğlunu boya-başa çatdırmaq üçün pul ayırmasına nail olmuşdur.
Məhkəmənin qərarına əsasən, ata Maradona Kristina Sinaqraya aliment verməyə başlamayınca, onun Buenos-Ayresdəki villası möhürlü qalacaqdır.
Diyeqo Maradona demişdir: “Heç bir məhkəmə məni bu uşağı sevməyə məcbur edə bilməyəcəkdir. Bu, səhv bir iş idi. İndi mən onun altını çəkirəm və pul ödəyirəm”.
Bölmənin digər xəbərləri
