DOĞRUDANMI, İŞ İNSANIN CÖVHƏRİDİR?

29.09.2006 [15:57]
Çap et
A⁺ A^-

Hər gün idarədə gecədən keçənədək işləyənləri və ya müəssisədə heydən-taqətdən düşənədək çalışanları nə gözləyir? Var-dövlət? Düzdür, o da var, amma, əslində, heç də belə deyil. Bunu alimlər deyirlər. Onlar sübuta yetirmişlər ki, bu adamları, ilk növbədə, hipertoniya, yəni qan təzyiqinin yüksəlməsi kimi xəstəlik gözləyir. Ağır iş sağlamlığın pisləşməsinin və həyatla erkən vidalaşmağın başlıca səbəbidir. AZƏRTAC “Faynənşl tayms Doyçland” qəzetinə istinadla xəbər verir ki, Kaliforniya Universitetinin alimləri, hər halda, belə qənaətə gəlmişlər. Tədqiqatlar nəticəsində onlar işlə sağlamlıq arasında çoxdan ehtimal olunan əlaqəni müəyyən etmişlər.

Hələ əvvəlki tədqiqatlar göstərmişdi ki, iş vaxtından sonra daim əlavə olaraq işdə qalan əməkdaşlar, gecədən keçənədək işləyən, siqareti siqaretə calayan və atüstü yeyən qadınların müxtəlif xəstəliklərə, zədələrə, ürək tutmalarına məruz qalmaq qorxusu vardır.

2001-ci ildə Kaliforniyada 24205 nəfər yaşlı adamın rəyi soruşulmuşdur. Müəyyən edilmişdir ki, həftədə hətta bir neçə saat vaxtından artıq işləmək orqanizmə mənfi təsir göstərə bilər. Həftədə uzağı 40 saat işləyənlərlə müqayisədə 41 saatdan 50 saatadək işləyən əməkdaşlarda qan təzyiqinin qalxması riski 14 faiz artır. Həftədə 51 saatdan çox işləyən adamlarda bu göstərici 29 faiz yüksəkdir.

DOĞRUDANMI, İŞ İNSANIN CÖVHƏRİDİR?

MÜƏLLİFLƏ ƏLAQƏ

Bölmənin digər xəbərləri