Doğukan Gezer: Rəqəmsal media ənənəvi media ilə müqayisədə təsir dairəsini genişləndirməkdə davam edir
Bakı, 3 oktyabr, AZƏRTAC
Türkiyənin ən böyük rəqəmsal media brendi “GZT”nin nümayəndələri olaraq iki gün keçiriləcək təlimdə rəqəmsal mediadan danışacağıq. Biz Azərbaycandan 200 mindən çox izləyicisi olan və əhəmiyyətli auditoriyaya malik bir türk media qurumuyuq.
Bu sözləri AZƏRTAC-a açıqlamasında “Albayrak” Media Qrupunun tərkibindəki “GZT” rəqəmsal platformasının baş redaktoru Doğukan Gezer deyib.
O, rəqəmsal media ilə bağlı təcrübələrini bütün sosial media platformalarında bölüşmək istədiklərini bildirərək qeyd edib: “Məlum olduğu kimi, indi rəqəmsal media ənənəvi media ilə müqayisədə təsir dairəsini daha da genişləndirməkdə davam edir. Məhz buna görə də rəqəmsal medianın ciddi potensialının olduğunu bilirik. Bu potensialdan birlikdə istifadə etmək istəyirik və düşünürük ki, bu məlumatlar həm Türkiyə, həm də Azərbaycan mediasının əməkdaşlığı ilə beynəlxalq arenada səslənməlidir.
Bölmənin digər xəbərləri
