DONANMANIN İNKİŞAFINA DİQQƏT ARTIR

26.09.2006 [10:42]
Çap et
A⁺ A^-

Azərbaycan Respublikası Dövlət Neft Şirkətindən (ARDNŞ) AZƏRTAC-a bildirmişlər ki, “Azneft” İstehsalat Birliyinin dənizdə neft və qazçıxarma, qazma, tikinti, geoloji-kəşfiyyat və s. işləri həyata keçirən təşkilatlarının işinə dəniz nəqliyyatı ilə vaxtında və keyfiyyətli xidmət göstərmək üçün bütün lazımi tədbirlər görülür. Hazırda bu məqsədlə Xəzər Dəniz Neft Donanması İdarəsinin 186 gəmisindən istifadə olunur. Onlardan 20-si Xəzər dənizinin Azərbaycan sektorunda “Əsrin müqaviləsi” çərçivəsində nəzərdə tutulmuş layihələri həyata keçirən xarici şirkətlərdə icarə əsasında xidmət göstərir.

Dənizdə neft və qazçıxarma işlərinin təminatında son dərəcə mühüm rol oynayan, yükqaldırma qabiliyyəti 600 ton olan “Qurban Abbasov” kran gəmisinin təmirinə və modernləşdirilməsinə hazırlıq görülür. Bundan əlavə, “Azərbaycan Respublikasının yanacaq-enerji kompleksinin inkişafı (2005-2015-ci illər) üzrə Dövlət Proqramı”nın icrasını təmin etmək məqsədi ilə Xəzər Dəniz Neft Donanması İdarəsi tərəfindən müxtəlif tipli 10 ədəd təzə gəminin tikintisinin layihələndirilməsi üçün texniki tapşırıqlar hazırlanmışdır.

DONANMANIN İNKİŞAFINA DİQQƏT ARTIR

MÜƏLLİFLƏ ƏLAQƏ

Bölmənin digər xəbərləri