Doqquz ayda Bakıda bir sıra mühüm obyektlər istifadəyə verilib
Bakı, 4 noyabr, AZƏRTAC
2021-ci ilin yanvar-sentyabr aylarında paytaxtda 4 saylı DOST Mərkəzi, Azərbaycan Respublikası Baş Prokurorluğunun inzibati bina kompleksi, “Azərbaycan Xəzər Dəniz Gəmiçiliyi” QSC-nin yeni inzibati binasının inşası yekunlaşıb.
Bakı şəhər Statistika İdarəsindən AZƏRTAC-a verilən məlumata əsasən, sözügedən müddət ərzində “Suraxanı” tanker-muzeyi, Suraxanı Rayon Məhkəməsinin yeni inzibati binası, Hərbi Qənimətlər Parkı, İqtisadiyyat Nazirliyinin yeni inzibati binası, 6 saylı Bakı “ASAN xidmət” mərkəzi, Xəzər rayonunda 110/35/10 kilovoltluq “Buzovna-1” yarımstansiyası və Bakı Avropa Liseyinin yeni binası da istifadəyə verilib.
Bölmənin digər xəbərləri
