DÖVLƏT BAŞÇILARI KİŞİNYOVDA MDB-NİN PROBLEMLƏRİNİ MÜZAKİRƏ EDƏCƏKLƏR
MDB-nin üzvü olan ölkələrin dövlət başçılarının zirvə toplantısı son beş ildə ikinci dəfə Kişinyovda keçiriləcəkdir. Moldova Prezidenti Vladimir Voronin İTAR-TASS-a verdiyi müsahibədə bildirmişdir ki, terrorizm və separatizmlə mübarizə məsələləri, kollektiv təhlükəsizlik, iqtisadi əməkdaşlığın genişləndirilməsi problemləri və digər mühüm mövzular zirvə toplantısının diqqət mərkəzində olacaqdır.
Moldova liderinin özü Birlikdə islahatlar aparılması barədə təkliflərlə çıxış etmək fikrindədir. MDB-nin hüquqi və iqtisadi standartlarının Avropa Birliyinin standartlarına yaxınlaşdırılması məsələsi həmin təkliflərdə əsas yer tutur.
MDB-nin problemləri həm qeyri-rəsmi şəraitdə, Moldova Prezidentinin şəhərətrafı iqamətgahında - Kondritsedə, həm də bilavasitə sammitdə müzakirə ediləcəkdir. Oktyabrın 7-də, səhər Respublika sarayının Kiçik salonunda Dövlət Başçıları Şurasının rəsmi qapalı iclası olacaqdır. İclasda prezidentlər MDB ölkələrinin 2000-2001-ci illər ərzində təxirəsalınmaz tədbirləri yerinə yetirmələrinin gedişi haqında məlumatı və iqtisadi əməkdaşlığın genişləndirilməsinə dair təklifləri müzakirə edəcəklər.
Görüşün gündəliyinə digər problemlər - 2003-2004-cü illərdə cinayətkarlıqla dövlətlərarası birgə mübarizə tədbirləri proqramı, narkotiklərin, psixotrop maddələrin qeyri-qanuni dövriyyəsi ilə mübarizədə əməkdaşlıq konsepsiyası, sərhəd sahəsində əməkdaşlığın təkmilləşdirilməsi proqramı da daxilşdir.
Mərkəzi Asiya regionunda Birlik Dövlətləri Antiterror Mərkəzinin şöbəsini yaratmaq məsələsini müzakirə etmək, hərbi qulluqçuların, hərbi xidmətdən təlxis olunmuş şəxslərin və onların ailə üzvlərinin sosial və hüquqi təminatı haqqında sazişə dəyişikliklər etmək də nəzərdə tutulur.
Bundan əlavə, iclasda Şuranın digər qərarlarının həyata keçirilməsi, MDB Müdafiə Nazirləri Şurası yanında hava hücumundan müdafiə məsələlərinə dair əlaqələndirmə komitəsinin sədri və Birliyin İcraiyyə Komitəsinin sədri - İcraçı Katibi haqqında məsələlərin də müzakirəsi gözlənilir.
Bölmənin digər xəbərləri
