DÖVLƏT BÜDCƏSİNƏ 4,2 MİLYARD MANAT VƏSAİT ÖDƏNMİŞDİR
Ötən il Vergilər Nazirliyi yanında Vergi Cinayətlərinin ibtidai Araşdırılması Departamentinin icraatında olan 31 cinayət işi üzrə ibtidai istintaq başa çatdırılmış, 20 nəfər təqsirkar şəxs barəsində 14 cinayət işi məhkəməyə göndərilmiş, 17 cinayət işinə vurulmuş ziyan tamamilə ödənildiyinə görə qanuna uyğun olaraq xitam verilmişdir.
Departamentin istintaq şöbəsindən AZƏRTAC-ın müxbirinə demişlər ki, keçən il ərzində cinayət törətmiş şəxslərə dövlət büdcəsinə 4 milyard 200 milyon manatdan çox vəsait ödətdirilmişdir. Dəymiş ziyanın ödənilməsini təmin etmək üçün cinayət törətmiş şəxslərin 2 milyard manat həcmində əmlakı üzərinə həbs qoyulmuşdur.
Bölmənin digər xəbərləri
