DÖVLƏT DUMASININ KOMİTƏSİ RF VƏTƏNDAŞLIĞI ALINMASINI SADƏLƏŞDİRƏN QANUN LAYİHƏSİNİN QƏBUL OLUNMASINI TƏKLİF EDİR

08.12.2005 [18:01]
Çap et
A⁺ A^-

AZƏRTAC İTAR-TASS agentliyinə istinadla xəbər verir ki, Dövlət Dumasının konstitusiya qanunvericiliyi və dövlət quruculuğu komitəsi keçmiş həmvətənlərin Rusiya vətəndaşlığı alması prosedurunu sadələşdirən qanun layihəsinin qəbul olunmasını tövsiyə etmişdir.

Rusiya Prezidentinin Dövlət Dumasına təqdim etdiyi qanun layihəsinə görə, keçmiş SSRİ vətəndaşlarının Rusiya vətəndaşlığına qəbul olunmasının sadələşdirilmiş variantının müddəti 2008-ci il yanvarın 1-dək uzadılır. Bundan əlavə, 2002-ci il iyulun 1-dən sonra Rusiyada yaşamaq icazəsi almış şəxslər də bu hüquqdan istifadə edə bilər.

Komitə sədrinin birinci müavini Aleksandr Moskaltsın sözlərinə görə, qanun layihəsinin dekabrın 14-də müzakirə olunacağı gözlənilir.