Dövlət Komitəsinin sədri Ordubadda vətəndaşların müraciətlərini dinləyəcək
Bakı, 29 oktyabr, AZƏRTAC
Dini Qurumlarla İş üzrə Dövlət Komitəsinin sədri Ramin Məmmədov noyabrın 3-də Naxçıvan şəhəri, Babək, Culfa, Kəngərli, Ordubad, Sədərək, Şahbuz və Şərur rayonlarından olan vətəndaşların müraciətlərini dinləyəcək.
Dövlət Komitəsindən AZƏRTAC-a bildirilib ki, görüş saat 11:00-da Ordubad Rayon İcra Hakimiyyətinin inzibati binasında (Ordubad şəhəri, Heydər Əliyev pr., 21) keçiriləcək.
Komitənin fəaliyyət istiqamətlərinə uyğun qəbula gəlmək istəyən vətəndaşlardan Naxçıvan Muxtar Respublikasının Dini Qurumlarla İş üzrə Dövlət Agentliyinə (əlaqə vasitələri: (+994) 36 544 56 29, [email protected]) müraciət etmələri xahiş olunur.
Bölmənin digər xəbərləri
