Dövlət Xidmətinin rəisi Xaçmazda vətəndaşların müraciətlərini dinləyəcək
Bakı, 28 noyabr, AZƏRTAC
Mərkəzi icra hakimiyyəti orqanlarının, digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə uyğun olaraq, dekabrın 5-i saat 10:00-da Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) rəisi general-mayor Mürsəl İbrahimov Xaçmaz, Quba, Qusar, Şabran, Siyəzən şəhər və rayonlarında qeydiyyatda olan vətəndaşların müraciətlərini dinləyəcək.
Xidmətdən AZƏRTAC-a verilən məlumata görə, qəbula yazılmaq istəyən vətəndaşlar dekabrın 2-dək SHXÇDX-nin adları qeyd olunan rayon struktur bölmələrinə, həmçinin rəsmi elektron poçt ünvanına ([email protected]) müraciət edərək qeydiyyatdan keçmələri və qəbula gələrkən şəxsiyyətlərini təsdiq edən sənədləri özləri ilə gətirmələri zəruridir.
Qəbul Xidmətin Xaçmaz rayon şöbəsinin inzibati binasında keçiriləcək.
Bölmənin digər xəbərləri
