DSMF-yə yanvar-avqust aylarında daxil olan müraciətlərin sayı açıqlanıb
Bakı, 7 sentyabr, AZƏRTAC
Bu ilin yanvar-avqust ayları ərzində Dövlət Sosial Müdafiə Fondunun (DSMF) fəaliyyət istiqamətləri üzrə ümumilikdə 303 min 187 vətəndaş müraciəti qeydə alınıb.
Bu barədə AZƏRTAC-a DSMF-dən məlumat verilib. Müraciətlərdən 116 min 880-i pensiya, 78 min 485-i müavinət, 12 min 719-u Prezident təqaüdü, 48 min 422-si ünvanlı dövlət sosial yardımı, 10 min 520-si fərdi uçot və sosial sığorta, 849-u dövlət icbari şəxsi sığorta, 35 min 312-si isə digər istiqamətlərlə bağlı olub.
Bölmənin digər xəbərləri
