Dubayda isveçli rejissorun “Xarıbülbül əfsanəsi” filimi nümayiş etdirilib
Qahirə, 27 dekabr, AZƏRTAC
Azərbaycanın Dubaydakı Baş konsulluğunda ölkəmizin İsveçdəki səfirliyinin təşəbbüsü, UNESCO üzrə Azərbaycan Milli Komissiyasının və Mədəniyyət Nazirliyinin dəstəyi ilə lentə alınmış "Xarıbülbül əfsanəsi" sənədli filmi nümayiş etdirilib.
AZƏRTAC xəbər verir ki, isveçli fotoqraf və rejissor Mikael Silkeberqin bu ekran əsərinin nümayişindən əvvəl “Şuşa İli” çərçivəsində filmin Dubayda təşkil olunmuş təqdimatında baş konsulluğun əməkdaşları, bu şəhərdə yaşayan və təhsil alan azərbaycanlılar iştirak ediblər.
Məlumat verilib ki, yaradıcı heyət tərəfindən Şuşada çəkilişlər aparılıb və şəhərin tarixi, musiqi və ədəbi mühiti barədə bir sıra tanınmış mədəniyyət və incəsənət xadimlərindən müsahibələr alınıb. Filmdə, həmçinin görkəmli elm və mədəniyyət xadimlərinin Qarabağ və onun tacı Şuşa haqqında fikirləri, eyni zamanda, tarixi şəxsiyyətlər barədə kadrlar yer alıb. Qərb alimlərinin Şərq mədəniyyəti, Azərbaycan ədəbiyyatı, musiqisi, muğam sənəti və əsrarəngiz təbiəti ilə bağlı düşüncələri də filmin əsas xəttini təşkil edir.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
