DÜNYA ÇEMPİONATI BRİTANİYAYA ÇOX BAHA BAŞA GƏLƏCƏK

05.06.2006 [20:01]
Çap et
A⁺ A^-

Əgər dünya futbol çempionatı günlərində hər bir qulluqçu öz iş vaxtının bir saatını internet vasitəsilə oyunlara baxmağa həsr etsə, Britaniya iqtisadiyyatına çox böyük ziyan dəyəcəkdir. Müəssisə əməkdaşlarının işdən bu cür yayınmaları nəticəsində yaranacaq itkilər təxminən 4 milyard funt sterlinq (5,8 milyard avro) təşkil edəcəkdir. AZƏRTAC Frans Press Agentliyinə istinadla xəbər verir ki, Brabners Çaffe Striit tədqiqat mərkəzi belə qənaətə gəlmişdir.

Araşdırmalar zamanı təhlilçilər əməkdaşların bir qisminin xəstələndiyini bəhanə gətirərək, işə çıxmaması ilə əlaqədar baş verəcək əmək itkilərini nəzərə almamışlar. Halbuki, əslində, onlar milli yığmanın dünya çempionatında uğurlu və ya uğursuz oyunu nəticəsində bərk sərxoşluqdan sonra süst vəziyyətdə olacaqlar.

Lakin bəzi firmalar, xüsusən də, bar, kafe və restoran saxlayan şirkətlər Almaniyada dünya birinciliyi zamanı böyük məbləğdə gəlir əldə edə biləcəklər. Sorğulara görə, hər dörd britaniyalı azarkeşdən biri çempionatın oyunlarını bu müəssisələrdə izləyəcəkdir.

İngiltərə komandasının hər bir oyunu onun ortastatik azarkeşinə (buraya Almaniyaya gedəcək futbol pərəstişkarları daxil deyildir) təxminən 60 funt sterlinqə başa gələcəkdir. Bunun 29 funtu mərc bağlanmasına, qalanları isə nəqliyyata və yeyib-içməyə xərclənəcəkdir.

DÜNYA ÇEMPİONATI BRİTANİYAYA ÇOX BAHA BAŞA GƏLƏCƏK

MÜƏLLİFLƏ ƏLAQƏ

Bölmənin digər xəbərləri