Dünya çempionatı: Gövhər Beydullayeva liderliyini davam etdirir
Bakı, 16 oktyabr, AZƏRTAC
İtaliyada 20 yaşa qədər şahmatçılar arasında dünya çempionatında altıncı turun oyunları keçirilib.
AZƏRTAC xəbər verir ki, turnirdə liderlik edən qadın şahmatçımız Gövhər Beydullayeva növbəti qələbəsini qazanaraq aktivinə 1 xal da əlavə edib. Qadınların yarışında mübarizə aparan komandamızın daha bir üzvü - Ləman Hacıyeva da turu qələbə ilə başa vurub. Kişilər arasında isə Məhəmməd Muradlı növbəti turda qələbə qazanıb, Abdulla Qədimbəylinin oyunu heç-heçə ilə başa çatıb.
Ötən turların nəticəsinə görə, G.Beydullayeva 5,5 xalla birinci yerdədir. A.Qədimbəyli 4,5 xalla 5-ci, L.Hacıyeva 4 xalla 18-ci, M.Muradlı 3 xalla 67-ci pillədədir.
Qeyd edək ki, İsveçrə sistemi üzrə keçirilən turnir 11 raunddan ibarətdir.
Bölmənin digər xəbərləri
