DÜNYA ÇEMPİONATINDA AZƏRBAYCAN 9 CÜDOÇU İLƏ TƏMSİL OLUNACAQ
Bakı, 6 avqust (AZƏRTAC). Avqustun 6-da Budapeştdə yeniyetmə cüdoçuların dünya çempionatı başlamışdır.
Dörd gün davam edəcək yarışda Azərbaycanın idman şərəfini məşqçilər Rəşad Məmmədov və Rəşad Həsənovun rəhbərliyi altında 9 cüdoçu qoruyacaqdır. Azərbaycan Cüdo Federasiyasından bildirmişlər ki, oğlanların yarışında Kamran Bağırov (50 kq), Ceyhun Qatayev (55 kq), Mahir Cəfərli (60 kq), Cəlil Cəlilov (66 kq), Ruslan Fərruxzadə (73 kq), Andrey Fətiyev (90 kq-dan yuxarı) mübarizə aparacaqlar. Qızların mübarizəsində isə Aişə Qurbanlı (48 kq), Şəfəq Muradzadə (52 kq) və Xanım Hüseynova (63 kq) qüvvəsini sınayacaqlar.
Bölmənin digər xəbərləri
