Efiopiyada etiraz nümayişləri zamanı 50 nəfər ölüb
Qahirə, 1 iyul, AZƏRTAC
Efiopiyada əhalinin etnik tərkibində üstünlük təşkil edən oromoların yaşadıqları Oromiya regionunda nümayişçilərlə polis arasında baş vermiş toqquşmalarda 50 nəfərin öldüyü bildirilir.
AZƏRTAC xəbər verir ki, bu barədə Daxili İşlər Nazirliyinin sözçüsü məlumat verib.
O bildirib ki, polis bu cür aqressiv və kütləvi aksiyalara hazır deyildi və ölənlərin arasında qanun keşikçiləri də var.
Etiraz nümayişləri oromo etnik azlığına məxsus populyar müğənni Hakalu Hundessanın paytaxt Əddis-Əbəbədə naməlum şəxs tərəfindən öldürülməsindən sonra başlanıb. Polis etirazların iğtişaşa çevrildiyi vaxt odlu silahlardan atəş açıb. Müğənninin sabah Ambo şəhərində keçiriləcək dəfn mərasimində on minlərlə insanın iştirak edəcəyi gözlənilir.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
