Ekspert: Qohum nikahları spinal muskular atrofiya üçün ən böyük risk amilidir
Bakı, 26 sentyabr, AZƏRTAC
Qohum evlilikləri spinal muskular atrofiya (SMA) xəstəliyi üçün ən böyük risk amilidir.
AZƏRTAC xəbər verir ki, bunu Azərbaycan Pediatriya Cəmiyyətinin sədri, Səhiyyə Nazirliyinin pediatriya sahəsi üzrə mütəxəssis-eksperti Erkin Rəhimov deyib.
E.Rəhimovun sözlərinə görə, hətta qohum olmasalar belə eyni kənddən olan insanların evlənməsi də həmin xəstəlik üçün risk daşıyır: "Çox yaxşı olardı ki, cütlüklər nikaha daxil olmazdan əvvəl genlərində belə xəstəlik olub-olmadığı araşdırılsın. Çünki daşıyıcı ola bilərlər. Daşıyıcı xəstə olmaq demək deyil. Lakin iki daşıyıcı bir araya gəlirsə, xəstə uşaq doğulma ehtimalı artır. Ən böyük risk qohum evlilikləridir. Odur ki, qohum evliliklərindən qaçmaq tövsiyə olunur".
Bölmənin digər xəbərləri
