EKSPERTLƏR ANKARA VƏ İSTANBULDAKI PARTLAYIŞLARIN ƏVVƏLCƏDƏN PLANLAŞDIRILDIĞINI EHTİMAL EDİRLƏR

24.06.2004 [20:59]
Çap et
A⁺ A^-

İyunun 24-də səhər Ankaranın “Hilton” mehmanxanasının yaxınlığında partlayış olmuşdur. AZƏRTAC-ın müxbiri xəbər verir ki, hadisə nəticəsində 3 polis işçisi yaralanmışdır. Ankaranın terrorla mübarizə dəstəsi və polis qüvvələri hadisə yerinə gələrək, partlayışın səbəblərini araşdırmağa başlamışlar. Xatırladaq ki, iyunun 26-da ABŞ Prezidenti Corc Buşun Ankaraya səfəri nəzərdə tutulub və onun məhz “Hilton” mehmanxanasında qalacağı planlaşdırılmışdır.

İyunun 24-də İstanbulda da partlayış olmuşdur. İlkin məlumata görə, orada 3 nəfər həlak olmuş, 20-dən çox adam yaralanmışdır.

Ekspertlər hər iki hadisənin əvvəlcədən planlaşdırılmış terror aktı olduğunu ehtimal edirlər. Çünki ABŞ Prezidenti Corc Buşun Ankaraya səfəri və NATO üzvü olan ölkələrin dövlət və hökumət başçılarının İstanbuldakı zirvə görüşü ərəfəsində bu şəhərlərdə çox ciddi və yüksək təhlükəsizlik tədbirləri həyata keçirilmişdir. Buna baxmayaraq, hər iki şəhərdə eyni gündə oxşar terror aktları ancaq mütəşəkkil, güclü maliyyə dəstəyi olan terror təşkilatı tərəfindən həyata keçirilə bilərdi.

EKSPERTLƏR ANKARA VƏ İSTANBULDAKI PARTLAYIŞLARIN ƏVVƏLCƏDƏN PLANLAŞDIRILDIĞINI EHTİMAL EDİRLƏR

MÜƏLLİFLƏ ƏLAQƏ

Bölmənin digər xəbərləri