“Əl-Ariş” aeroportu humanitar yük daşıyan 131 təyyarə qəbul edib
Bakı, 16 noyabr, AZƏRTAC
Misirin Sinay yarımadasının şimalında yerləşən “Əl-Ariş” beynəlxalq hava limanı oktyabrın 12-dən bəri 30 ölkə və 8 beynəlxalq təşkilatdan Qəzza sektorunun əhalisi üçün humanitar yardım daşıyan 131 təyyarə qəbul edib.
AZƏRTAC “Əl Əhram” qəzetinə istinadla xəbər verir ki, bunu Misir Qızıl Aypara Cəmiyyətinin direktoru Rami əl-Nəzər bildirib.
Məlumata görə, hazırda Qəzza sektoruna Misir 10 min ton, BMT isə 6 min ton humanitar yardım ayırıb. İndiyə qədər ümumi yük həcmi 18,8 min tona çatan 1090 yük avtomobili Fələstin eksklavına daxil olub.
Bölmənin digər xəbərləri
