ELÇİNİN ROMANLARI TÜRKİYƏDƏ DOKTORLUQ DİSSERTASİYASININ MÖVZUSU OLMUŞDUR

03.02.2004 [15:15]
Çap et
A⁺ A^-

Xalq yazıçısı Elçinin əsərləri Türkiyə Respublikasında geniş yayılmışdır. Onun romanları, povest və hekayələri, esseləri qardaş ölkənin ən nüfuzlu nəşriyyatları tərəfindən dəfələrlə nəşr olunmuş, pyesləri müxtəlif teatrlarda tamaşaya qoyulmuşdur. Elçinin yaradıcılığı türk ədəbi və elmi ictimaiyyətinin də diqqət mərkəzindədir. Görkəmli türk ədəbiyyatşünasları onun əsərləri haqqında sanballı elmi məqalələrlə çıxış etmişlər. Xalq yazıçısı Türkiyənin məşhur Fateh və Memar Sinan Universitetlərinin fəxri mükafatlarına layiq görülmüş, Yedditəpə Universitetinin fəxri doktoru seçilmişdir.

AZƏRTAC-ın müxbiri xəbər verir ki, bu günlərdə isə Ərzurum Universitetində türk ədəbiyyatşünası Sədat Adıgözəl “Elçinin “Ölüm hökmü”, “Ağ dəvə”, “Mahmud və Məryəm” romanlarının struktur quruluşunun tədqiqi” mövzusunda müvəffəqiyyətlə dissertasiya müdafiə edərək, doktorluq elmi dərəcəsi almışdır. Bu, Azərbaycan nasirlərinin əsərləri haqqında xarici ölkə universitetlərində müdafiə olunan ilk doktorluq dissertasiyasıdır. Universitetin Elmi Şurası dissertasiyanın elmi əhəmiyyətini və aktuallığını nəzərə alaraq, onu kitab halında nəşr etmək barədə qərar çıxarmışdır.

ELÇİNİN ROMANLARI TÜRKİYƏDƏ DOKTORLUQ DİSSERTASİYASININ MÖVZUSU OLMUŞDUR

MÜƏLLİFLƏ ƏLAQƏ

Bölmənin digər xəbərləri