Elvin İsmayılov: Ekstremal idman turniri - “Mübarizlər” yarışı 30-a yaxın ölkədə təşkil olunur
Bakı, 30 sentyabr, AZƏRTAC
Beynəlxalq səviyyəli ekstremal idman turniri - “Mübarizlər” yarışı 30-a yaxın ölkədə təşkil olunur və uğurla keçirilir.
AZƏRTAC xəbər verir ki, bunu jurnalistlərə açıqlamasında “Mübarizlər” layihəsinin rəhbəri Elvin İsmayılov deyib.
E.Ismayılov bildirib ki, bu, Azərbaycanda da son iki il ərzində papulyarlıq qazanmış idman növlərindən biridir. Vətənpərvərliyin artırılmasına dəstək olacaq idman növüdür: "Biz yarışların da, iştirakçıların da sayının çox olmasını arzulayırıq. Düşünürük ki, yaxın zamanlarda regionlarımızda da bu yarışı keçirək. Yarışı keçirməkdə məqsəd insanların asudə vaxtlarını sağlam həyat tərzində keçirməkdir. Ümumi yarışların mərhələlərini də saysaq yarışa 2-3 min iştirakçı qatılır. Bakıda keçirilən yarışlara xarici ölkələrdən də iştirakçılar qatılır. Gələcəkdə Bakıda və regionlarda beynəlxalq tədbirlərin sayının artırılmasını nəzərdə tuturuq".
Bölmənin digər xəbərləri
