ƏMANƏTLƏRİN HƏCMİ ARTMIŞDIR

12.12.2005 [11:03]
Çap et
A⁺ A^-

Milli Bankın mətbuat xidmətindən AZƏRTAC-a bildirmişlər ki, dekabrın 1-nə banklar tərəfindən cəlb olunmuş əmanət və depozitlərin həcmi 6480,5 milyard manat olmuşdur ki, bu da ötən ilin müvafiq dövrü ilə müqayisədə 37,1 faiz çoxdur.

On bir ayda banklara qoyulan depozit və əmanətlərin 1137,4 milyardı (xüsusi çəkisi 17,6 faiz) manatla, 5343,1 milyard manatı (82,4 faiz) isə xarici valyuta ilə cəlb edilmişdir.

Fiziki şəxslər tərəfindən banklara 2286,3 milyard manat əmanət qoyulmuşdur ki, bu da ötən ilin müvafiq dövrünə nisbətən 24,3 faiz çoxdur.

Qeyd olunan tarixə hüquqi şəxslər tərəfindən banklara 4194,2 milyard manat depozit yatırılmışdır ki, bu da keçən ilin eyni dövrü ilə müqayisədə 45 faiz çoxdur.

ƏMANƏTLƏRİN HƏCMİ ARTMIŞDIR

MÜƏLLİFLƏ ƏLAQƏ

Bölmənin digər xəbərləri