ƏMƏK QƏHRƏMANININ 90 İLLİYİ QEYD OLUNMUŞDUR
Mina Nəzirovanın 90 illik yubileyi doğma diyarı Yeni Suvagil kəndində təntənə ilə qeyd olunmuşdur.
Rayon icra hakimiyyətindən AZƏRTAC-ın müxbirinə bildirmişlərki, Yeni Suvagil kənd mədəniyyət evində keçirilən yubiley mərasimində ictimaiyyət nümayəndələri, ziyalılar, qonaqlar 70 illik ömrünün 40 ilindən çoxunu öz doğma vətəninə, el-obasına həsr etmiş bu əmək qəhrəmanının, qabaqcıl təsərrüfat başçısının əziz xatirəsini ehtiramla yad etmiş, onun şərəfli ömür yolundan, xidmətlərindən söhbət açmışlar. Üç çağırış keçmiş ittifaqın və dörd çağırış Azərbaycan SSR Ali Sovetinin deputatı olmuş bu qabaqcıl əmək adamının əvəzsiz xidmətləri həmyerliləri tərəfindən yüksək qiymətləndirilmiş, Zaqatala şəhərindəki küçələrdən birinə və doğma kəndindəki orta məktəbə onun adı verilmişdir.
Tədbirdə rayon mədəniyyət şöbəsi böyük konsert proqramı təşkil etmiş, Mina Nəzirovaya həsr olunmuş şerlər və “Dağlar qızı” mahnısı səslənmişdir. Yubiley mərasiminə Zaqatala Rayon İcra Hakimiyyətinin başçısı Vaqif Rəhimov yekun vurmuşdur.
Bölmənin digər xəbərləri
