Əməkdar incəsənət xadimi Aydın Kazımzadə canlı efirdə izləyicilərin görüşünə gələcək
Bakı, 27 iyun, AZƏRTAC
Azərbaycan kinosunun görkəmli nümayəndəsi, tanınmış jurnalist və kinoşünas, Əməkdar incəsənət xadimi Aydın Kazımzadə Bakı Şəhər Mədəniyyət Baş İdarəsinin #senetinledestekol çağırışına qoşularaq iyunun 29-da canlı efirdə izləyicilərin görüşünə gələcək.
İdarədən AZƏRTAC-a bildirilib ki, Azərbaycan kinosunun təşəkkülü, korifey sənətkarlar, kadrarxası hadisələr və bir filmin araya-ərsəyə gəlməsi üçün keçilən məşəqqətli yollar, milli kinomuzun janr müxtəlifliyi və problemləri ətrafında söhbətə siz də qoşula və Baş İdarənin @bakimedeniyyetidaresi rəsmi “Instagram” səhifəsindən Aydın müəllimə suallarınızı ünvanlaya bilərsiniz.
Bölmənin digər xəbərləri
