Əmtəəlik qaz hasilatında artım müşahidə olunub
Bakı, 17 mart, AZƏRTAC
Cari ilin yanvar-fevral aylarında Azərbaycanda mədənçıxarma sənayesində istehsalın ümumi dəyəri 9,3 milyard manat olmaqla, əvvəlki ilin müvafiq dövrünə nisbətən 3,6 faiz azalıb.
Dövlət Statistika Komitəsindən AZƏRTAC-a verilən məlumata görə, sahənin əsas məhsulu olan əmtəəlik neft hasilatı 5 101,6 milyon ton, əmtəəlik təbii qaz hasilatı isə 6 065,8 milyon kubmetr təşkil edib.
Əmtəəlik neft hasilatı əvvəlki ilin müvafiq dövrü ilə müqayisədə 6,4 faiz azalıb, əmtəəlik qaz hasilatı isə 0,9 faiz artıb. Hesabat dövründə respublikada ümumi olaraq 5 113,3 min ton neft və 8 008,5 milyon kubmetr qaz hasil olunub ki, bu da illik müqayisədə müvafiq olaraq 6,4 faiz az və 4,2 faiz çoxdur.
Bölmənin digər xəbərləri
