ƏNDİCAN HADİSƏLƏRİNDƏ İTTİHAM OLUNAN 106 NƏFƏRİN MƏHKƏMƏSİ DAVAM ETDİRİLİR
Bu haqda AZƏRTAC-ın müxbirinə Özbəkistan Ali Məhkəməsində məlumat vermişlər. Bu qurumun nümayəndəsi bildirmişdir ki, onlar Cinayət Məcəlləsinin terrorizm, girov götürmə, adam öldürmə, dövlət çevrilişinə cəhd və digər maddələri ilə ittiham edilirlər.
Sentyabrın 20-dən oktyabrın 14-dək Özbəkistan Ali Məhkəməsində bu hadisələrdə ittiham edilən ilk 15 nəfərin işinə baxılmış, onlar 14 ildən 20 ilədək azadlıqdan məhrum edilmişlər.
Özbəkistan Baş Prokurorluğunun məlumatına görə, Əndican hadisələrində 187 nəfər həlak olmuşdur ki, bunların 60-ı dinc vətəndaş, 31-i hüqiq mühafizə orqanlarının əməkdaşları, 94-ü terrorçudur. Ölkənin hüquq müdafiəçiləri və bir sıra beynəlxalq təşkilatların nümayəndələri isə bu hadisələrdə ölənlərin sayının 800-dən çox olduğunu iddia edirlər.
Bölmənin digər xəbərləri
