ENERGETİKA SİSTEMİNDƏ MÜNASİBƏTLƏRİN İNKİŞAFI ZƏRURİDİR

17.03.2004 [19:49]
Çap et
A⁺ A^-

“Azərenerji” SC-nin mətbuat xidmətindən AZƏRTAC-ın müxbirinə bildirmişlər ki, energetika sahəsində Azərbaycanla İran arasında qarşılıqlı münasibətlər yüksək sürətlə inkişaf edir. “Azərenerji”nin prezidenti Etibar Pirverdiyevin sözlərinə görə, bu əməkdaşlıq hər iki tərəf üçün sərfəlidir və bundan sonra da inkişaf etdiriləcəkdir. O demişdir ki, iki qonşu ölkənin energetika sistemləri səmərəli enerji mübadiləsi üçün kifayət qədər münasibdir.

Məsələ bundadır ki, İranda elektrik enerjisi qıtlığı yayda, Azərbaycanın sistemində enerji artıqlığı ucbatından aqreqatların boş dayandığı dövrdə yaranır. Hər iki ölkənin energetika sahələri ideal enerji mübadiləsi sistemi yaratmağa nail olmuşdur: Azərbaycan yayda elektrik enerjisi verir, qışda isə ekvivalent həcmdə onu geri alır.

“Azərenerji” SC-nin əsas vəzifəsi belə enerji mübadiləsinin həcmini artırmaq üçün tədbirlər görməkdən ibarətdir.

ENERGETİKA SİSTEMİNDƏ MÜNASİBƏTLƏRİN İNKİŞAFI ZƏRURİDİR

MÜƏLLİFLƏ ƏLAQƏ

Bölmənin digər xəbərləri